Şuşada görkəmli müğənni Bülbülün 125 illiyinə həsr olunan müsabiqənin finalı keçirildi.
ASAN Radio xəbər verir ki, Vokalçıların Bülbül adına VIII Beynəlxalq müsabiqəsində Azərbaycan, Rusiya, İsrail, Türkiyə, Monqolustan, Özbəkistan, Ukrayna, Meksika, Qazaxıstan və digər ölkələrdən 100-ə yaxın ifaçı iştirak edirdi.
Müsabiqənin Qran-pri mükafatına Elmina Həsənova (Azərbaycan) layiq görülüb. Digər mükafatçılar: I yer - Ankhbayar Enkhbold (Monqolustan), II yer – Nikita Volkov (Rusiya) və Olqa Rudik (Ukrayna), III yer – Baluan Berkenov (Qazaxıstan), Aleksandra Sokolova (Rusiya), Həmid Əbdülov (Azərbaycan), IV yer – Ezgi Karakaya (Türkiyə), Nigar Cəfərova (Azərbaycan).
Qeyd edək ki, ASAN Radio festivaldan xəbər verən yeganə radio idi. Beynəlxalq tədbir ərzində həm efir, həm də feysbuk səhifəmizdə canlı bağlantılar edildi. Foto və videoları sosial media səhifələrimizdə izləyə bilərsiniz.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!