USD - 1.7 EUR - 1.748 RUB - 0.0278 TRY - 0.0951 DAHA ÇOX
YENİLİKLƏR
"Mənəvi dəyərlər" verilişi qəbul imtahanı və ixtisas seçiminə həsr edilib ASAN Radioda "Danışır təcrübə" “Ulduz qonaq” “Kinderland”dəki ASAN Radioda!  “Azəriqaz” və "ASAN Radio"nun birgə layihəsi davam edir “Mənəvi dəyərlər” verilişini dinləyin, dəyərləndirin
Uqanda nümayəndə heyəti "ASAN Radio"da!

Uqanda ölkəmizin “ASAN xidmət” və rəqəmsal hökumət təcrübəsini öyrənir. 

20 – 24 iyun 2022-ci il tarixində Uqanda Milli İnformasiya Texnologiyaları Agentliyinin nümayəndə heyəti ölkəmizə səfər edib.

Məqsəd “ASAN xidmət” modeli və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi tərəfindən rəqəmsal hökumət və sosial innovasiyalar sahəsində həyata keçirilən layihələr ilə yaxından tanış olmaq, eləcə də gələcək əməkdaşlıq barədə yol xəritəsinin hazırlanması və ölkəmizin müvafiq sahələr üzrə qabaqcıl həllərinin Uqandada tətbiqi istiqamətində müzakirələrin aparılması olub.

Səfər çərçivəsində nümayəndə heyəti Dövlət Agentliyinin sədr müavini Ceyhun Salmanov ilə görüşüb. Ceyhun Salmanov qonaqlara “ASAN xidmət” mərkəzlərinin yaradılması, məqsədləri və fəaliyyət istiqamətləri barədə məlumat verib. Qeyd olunub ki, şəffaflığın artırılması və müasir innovasiyaların tətbiqi baxımından “ASAN xidmət”in yaradılması ilə səmərəli dövlət idarəçiliyinin təmin edilməsi sahəsində ciddi nailiyyətlər əldə olunub.

Bundan əlavə Dövlət Agentliyi tərəfindən rəqəmsal hökumət, startap ekosistemlərinə dəstək, sosial innovasiyalar istiqamətində həyata keçirilən fəaliyyətlər barədə qarşı tərəfə məlumat verilib.

Eyni zamanda Dövlət Agentliyinin 2015-ci ildə Birləşmiş Millətlər Təşkilatının Dövlət Xidmətləri Mükafatına, 2019-cu ildə isə BMT-nin rəqəmsal idarəetmənin tətbiqi ilə dövlət xidmətlərinin inkişafı sahəsində xüsusi mükafatına layiq görülməsi diqqətə çatdırılıb.

Həmçinin görüş zamanı “ASAN xidmət” modelinin müxtəlif ölkələrdə uğurla tətbiq olunduğu vurğulanıb.

Elektron Hökumətin İnkişafı Mərkəzində qonaqlara rəqəmsal hökumət çərçivəsində həyata keçirilən layihələr, o cümlədən “MyGov, ”“ASAN viza”, “ASAN Ödəniş”, “ASAN Bridge” və digər innovativ layihələr barədə geniş təqdimatlar edilib.

Uqanda nümayəndə heyəti Bakı şəhərində yerləşən 3 və 7 saylı Bakı “ASAN xidmət” mərkəzi, Şamaxı “ASAN Həyat” kompleksi, həmçinin Səyyar ASAN xidmət, "INNOLAND" İnkubasiya və Akselerasiya Mərkəzi, “BİLİM Bakı” mərkəzi və “ABAD”ın fəaliyyəti ilə yerində tanış olub.

Səfər çərçivəsində nümayəndə heyətinə Dövlət Agentliyinin İnsan resurslarının idarəedilməsi, Rəqəmsal texnologiyalar və İnnovasiyalar şöbələri, həmçinin “Azərbaycan İnnovasiyaların İxracı Konsorsiumu”nun üzvü olan müxtəlif şirkətlər tərəfindən  də təqdimatlar edilib.

Nümayəndə heyətinin rəhbəri səfərin yekunları ilə əlaqədar ASAN Radioya müsahibə verib.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!